يعنى ايه اعلان ممول ؟ او الاعلان المدفوع ؟
اوقات كتير وانت بتشاهد منشورات على فيسبوك او انستجرام بتلاحظ ان فيه منشورات بتظهرلك من صفحات انت مش مشترك فيها وبيظهرلك تحت اسم الصفحة الكلمة دى ( ممول ، sponsored ) وغالبا كنت بتبحث او بتعمل لايك او تعليقات لمنتجات او خدمات مشابهة ، او الشخص المعلن اختار المكان والسن والنوع وكل البيانات دى كانت متوافرة فيك عشان كده ظهرلك الاعلان.
هو ده الاعلان الممول 👌
طب ازاى الفيسبوك بيعرف انى مهتم بالمنتجات او الخدمات دى 🤔 ؟
الفيسبوك بيعرف كل حاجة بتعملها سواء لايك او كومنت وكمان بيعرف المنشورات الى بتقف فترة قدامها وبيفهم انك مهتم بنوعية المنشورات دى 🤭 وبيحدد اهتماماتك عن طريق ال Machine learning 🤖 هنتكلم عنها بالتفصيل فى مواضيع قادمة.
طب ازاى الفيسبوك بيعرف موقعى وسنى وهل انا ولد ولا بنت 🤔 ؟
دى سهلة بيعرف سنك ونوعك لانك وانت بتعمل حساب على فيسبوك بتدخل البيانات دى ، وبيعرف مكانك لانك وانت بتحمل التطبيق بتديله صلاحية انه يدخل على GPS ويعرف موقعك وتفاصيل اخرى.
دى ببساطة معلومات عن الاعلانات الممولة او الاعلانات المدفوعة وازاى الفيسبوك بيساعد المعلن انه يستهدف الاشخاص المهتمين بالمنتج او الخدمة الى بيقدمها.
لوعندك اى استفسار لا تتردد فى التواصل معنا
تواصل معنا الآن اتصال او واتساب
أفضل اعلانات ممولة فى السنبلاوين
اعلانات على فيسبوك وانستجرام وجوجل
No comments:
Post a Comment